Окуучуларды сүзүп кеткен "Портердин" айдоочусу камакка алынды
Жалал-Абад облусунун Сузак районунда окуучулар кабылган кырсыкты Ички иштер министрлигинин жетекчилиги көзөмөлүнө алды. ИИМден билдиришкендей, жетекчилик окуяны көзөмөлдөө үчүн жерине жөнөп кетти.
Ал эми Жалал-Абад ОИИБден "Портердин" айдоочусу камакка алынганын билдиришти.
Окуя боюнча Сузак РИИБдин тергөө кызматы тарабынан 312-берененин 2-бөлүгү (Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу) менен кылмыш иши козголуп, тийиштүү кызматтарга тергөө тапшырмалары берилип, жабыр тарткандарга соттук-медициналык экспертизалар дайындалды.
Тергөө амалдарын жүргүзүүдө шектүү катары Сузак районунун 1976-жылы туулган тургуну Ж.Б. суралып, андан соң убактылуу кармоочу жайга киргизилди.
Учурда тергөө амалдары жүргүзүлүп жатат.
