Казакстан менен Россия кантты экспорттоого тыюу салды. Бул Кыргызстанга таасир этеби?
Казакстан жайдын аягына чейин кантты экспорттоого тыюу салды. Бул чара казакстандыктардын келерки жайкы сезондо кантка болгон суроо-талабын толугу менен канааттандырат, деп эсептейт Tengrinews.kz.
Маалым болгондой, учурда кампалардагы кант запастарынын балансы жана Казакстанга импорттун көлөмү болжол менен 256 миң тоннаны, бул өлкөнүн жылдык керектөөсүнүн жарымын – 500-550 миң тоннаны түзөт.
Ошол эле учурда казакстандыктарды кант менен үзгүлтүксүз камсыздоо үчүн 2024-жылдын 31-августуна чейин Казакстандан үчүнчү өлкөлөргө, анын ичинде ЕАЭБге мүчө өлкөлөргө кантты экспорттоого убактылуу тыюу салуу чечими кабыл алынды. Бул чара эл аралык транзитке таасирин тийгизбейт.
Буга чейин Россияда кумшекерди өлкөдөн сыртка чыгарууга тыюу салган токтомду күчүнө киргизгени белгилүү болгон. Тыюу 2024-жылдын 31-августуна чейин күчүндө болот. Ошол эле учурда Евразиялык экономикалык биримдикке кирген өлкөлөр үчүн бир катар өзгөчөлүктөр каралган. ЕАЭБ өлкөлөрүнө кантты белгилүү көлөмдө жеткирүү мүмкүн болот: Казакстанга – 120 миң тонна; Кыргызстанга – 28,5 миң тонна; Арменияга – 28 миң тонна; Белоруссияга – 5 миң тонна.
Башкы беттеги сүрөт: depositphotos.com.
