Мэрия Ататүрк сейил багындагы объектилерди сүрдүргөнү жаткан. Эл менен аким жолукту
Бүгүн, 20-майда Бишкек шаардык мэриясы Ататүрк сейил багындагы мыйзамсыз объектилерди бузууну башташы керек болчу. Kaktus.kg редакциясы эл менен акимдин жолугушуунда болуп кайтты.
Бузууну бүгүн, эртең менен баштоо пландалган. Бирок мэриянын өкүлдөрү окуя болгон жерге саат 12ге жакын гана келишкен.
Октябрь районунун акими Жаныбек Орозалиев эл менен жолугушту. Эл мэрия жер бөлүп берген аткаминерлерди жазалабай туруп, бузууну пландап жатканына нааразы.
Аким бул менен прокуратура алектенип жатат деп жооп берди.
12-апрелде Бишкек шаарынын мэри Айбек Жунушалиев "Ататүрк" паркынын чек арасын 1992-жылдагы чектерге чейин калыбына келтирүү боюнча жарлыкка кол койгон. Мэрия сейил бакка 43 гектар жерди кайтарып берүүнү каалап, мыйзамсыз курулган 100дөн ашык объектти бузууну пландоодо.
Бирок сейил бактагы жер тилкелеринин жана үйлөрдүн ээлери буга каршы. Алар Садыр Жапаровго жардам сурап кайрылышкан, анткени алардын мүлктөрү бузулушу мүмкүн. Ошол эле учурда мэр өзү Ататүрк паркындагы үйлөрдү бузуу Садыр Жапаров менен макулдашылганын айтууда.
Аким Жаныбек Орозалиев уруксат кагазы жок тосмолорду жана объектилерди өз ыктыяры менен демонстрациялоого болорун айтты.
Буга эл нааразы болду. Алар мэрия буга чейин өз ыктыяры менен демонтаждоо тууралуу айтпаганын, бирок 20-майда бузууну жарыялаганын айтышты.
Ал белгилегендей, мэрия соттун кандай чечими болбосун аткарат.
Ошондой эле аким Бишкекте митинг, массалык чогулуштарды өткөрүүгө тыюу салынганын эскертти. Ал эми Ататүрк паркынын жашоочуларынын жолугушуусу мыйзамсыз. Ошол эле учурда эл 20-майды сейил бакты бузуу күнү деп белгилеген мэрия экенин эскертишти. Алар ошол себептен чогулушкан.
Бул арада мэрияда Бишкек шаарынын мэри Айбек Жунушалиевдин төрагалыгы алдында прокуратуранын, Бишкек шаардык ички иштер башкармалыгынын, УКМКнын аймактык башкармалыктарынын жетекчилеринин катышуусунда кылмыштуулуктун алдын алуу боюнча координациялык кеңешме болуп өттү.
Анда Курулуш жана архитектура чөйрөсүндөгү ыйгарым укуктуу мамлекеттик органдардын, борбор калаанын мэриясынын жана шаардын укук коргоо органдарынын Бишкек шаарынын мэриясынын "Кыргыз Республикасынын Бишкек шаарынын мэриясынын "Мустафа Кемал Ататүрк атындагы сейил бактын чек араларын бекитүү жөнүндө" токтомун ишке ашырууга багытталган мындан аркы иш-аракеттери жөнүндө маселе боюнча маалымат угулду. Буга ылайык, 2024-жылдын 20-майына карата мэриянын жогоруда аталган токтомун аткаруу максатында, муниципалитеттин юридикалык кызматтары тарабынан сот органдарына 19 доо арыз даярдалып, берилген. Бардыгы болуп 94төн ашык доо арыздарды сотко жөнөтүү пландалууда (доолор даярдалган сайын бул көрсөткүч көбөйүшү мүмкүн).
Борбор калаанын мэри А.Жунушалиев атындагы сейил бактын аймагында жайгашкан жеке турак жайларга карата шаар калкына маалымат жеткирүү максатында мэриянын жана укук коргоо органдарынын жетекчилерине түшүндүрүү иштерин жүргүзүүнү тапшырды. К.Ататүрк сейил багы боюнча, биринчи кезекте соттук чаралар көрүлөт. Тиешелүү соттун чечимисиз мындай объектилерди бузуу планда жок.
Бүгүндөн тарта бекитилген иш планга ылайык, Мамлекеттик курулуш комитети шаардык кызматтар менен биргеликте курулуш стадиясында турган жана курулушка уруксаты жок бир катар объектилерди демонтаждоо иштерин башташы керек болчу. Ошондой эле алардын жер тилкелеринин чегинен чыгып кеткен бир катар имараттардын айланасындагы тосмолорду бузуу пландаштырылган.
Жыйындын жыйынтыгында борбор калаанын мэриясынын түзүмдөрүнө доо арыздарды даярдоо, башка зарыл уюштуруу-укуктук иштерди жүргүзүү, ошондой эле калк арасында маалымат иштерин күчөтүү боюнча ишти тездетүү тапшырылды.
