Депутат студенттер үчүн жол киренин баасын арзандатууну сунуштады
Жогорку Кеңештин депутаты Элдар Абакиров Бишкек мэриясынан студенттер үчүн коомдук транспортто жүрүү баасын төмөндөтүүнү суранды. Бул тууралуу ал парламенттин жыйынында билдирди.
Депутаттын айтымында, ал студенттер менен жолугуп, жол киренин кымбаттыгына нааразы болушкан.
"Мен окуп жүргөндө арзаныраак студенттик билет бар болчу. Эмне үчүн мэрия бул тажрыйбаны кайрадан жандандырбайт? Студенттер 17 сом алар үчүн өтө кымбат экенин айтып даттанышты. Биз аларга билим алууга мүмкүнчүлүк беришибиз керек", - деди депутат.
Эскерте кетсек, үстүбүздөгү жылдын 30 - январынан тарта Бишкек автобустарында жана троллейбустарда накталай эмес төлөм менен жүрүү баасы 17 сом, накталай болсо 20 сомду түзөт. Жеке автобустарда жана кичи автобустарда жол кире 20 сом.
