Кореянын EIR Cosmetics компаниясынын өкүлү Майып аялдар ассоциациясына кайрымдуулук жасады
Кореянын териге кам көрүү боюнча алдыңкы бренди болгон EIR Cosmetics компаниясынын КМШдагы соода бөлүмү "Эйр Евразия" ЖЧКсы (директору Ли Хонг) Майып аялдардын республикалык көз карандысыз ассоциациясына 1000 даана бет жуучу көбүктүү каражаттарды тапшырды. Иш-чара бүгүн, 6-майда болду.
Мындай кайрымдуулук акциясы EIR Cosmetics компаниясынын башкы директор Ким Су Джин тарабынан колдоого алынган.
"Бул кайрымдуулук EIR Cosmetics компаниясынын Борбор Азия рыногуна алгачкы жолу чыгып жатканын белгилейт жана Кыргызстандын жарандарына ыраазычылыгыбызды билдирет. Ошондой эле компаниянын ишмердүүлүгү бизнестин чегинен чыгып, ар дайым ага муктаж болгондорго, коомдон четте калгандарга кол сунуп, бирге болуу чечкиндүүлүгүбүздү көрсөтөт", - дешет компаниядан.
20-июндан тарта EIR Cosmetic компаниясынын териге кам көрүүчү жогорку сапаттагы 11 түрдөгү каражаттары "Неман-Фарм" дүкөндөр тармагында сатыкка чыга баштайт.
