Жалал-Абадда чек арачылар ишкерлерден пара талап кылганга шектелди
Жалал-Абад облусунун "Бек-Абад" көзөмөл өткөрүү пунктунун аскер кызматкерлери системалуу түрдө акча каражатын талап кылганга шекетелүүдө. УКМКдан белгилешкендей, алар чет элдик ишкерлерден акча талап кылышкан.
26-июнда акча каражаттарын кабыл алуу учурунда өткөрүү пунктунун нөөмөт башчысы, капитан А.О.А., ошондой эле бул коррупциялык схемага аралашкан анын айрым кол алдындагы кызматкерлери пара менен кармалды.
Учурда УКМК тарабынан жогоруда аталган кылмыштарга Чек ара кызматынын башка кызмат адамдарынын катыштыгы бар экендигин аныктоого багытталган иликтөө иш-чаралар жүргүзүлүүдө.
"Бек-Абад-автожол" көзөмөл өткөрүү пункту 2023-жылдын 1-сентябрынан тарта ишин жанданткан. Аталган пункттан Кыргыз Республикасынын жана Өзбекстан Республикасынын, ошондой эле үчүнчү өлкөлөрдүн жарандары жеңил транспорт менен өтө алышат. Жеке пайдаланыла турчу товарларды эске албаганда жүк, товар жана жаныбарларды алып өтүүгө болбой турганын эскертет УКМКдан.
