Москвадагы кафеде Кыргызстан менен Тажикстандын жарандары мушташкан. Алтоо жараат алды
Москванын түштүк-батышындагы кафеге келгендердин ортосунда мушташ чыгып, натыйжада алты адам жаракат алды. Бул тууралуу ТАСС Россиянын Ички иштер министрлигинин Москвадагы башкы башкармалыгынын басма сөз кызматына шилтеме берүү менен билдирди.
Белгилүү болгондой, мушташтын тогуз катышуучусун кошумча иликтөө үчүн полицияга жеткиришкен.
Вернадский проспектисиндеги 39чу үй дареги боюнча чыккан жаңжал тууралуу маалымат ИИМге 18-майдын кечинде келип түшкөн.
"Окуя болгон жерге полиция кызматкерлери барып, тез жардам бригадасы медициналык мекемелерге алты жарадарды алып кеткен. Ошондой эле тогуз жаран кошумча иликтөө үчүн полицияга жеткирилди", - деди агенттиктин маектеши.
Баш кеңсе кармалгандардын ичинен эки адам миграциялык мыйзамдарды бузгандыгы үчүн, жети адам майда бейбаштык үчүн административдик жоопкерчиликке тартылгандыгын кошумчалады.
"Милиция бул факты боюнча тереңирээк иликтөө жүргүзөт", - деп кошумчалады басма сөз кызматы.
ТАССтын укук коргоо органдарындагы булагы жарандардын ортосундагы жаңжал мушташка чейин жеткенин, ага 15 адам катышкандыгын тактады. Алар Кыргызстандын жана Тажикстандын жарандары болушкан.
Алдын ала жоромол боюнча жаңжал жеке кастыктан улам тутанып, күнүмдүк мүнөзгө ээ.
