Блогерлер Арген менен Аружан эки башка башка жолго түшкөнүн ачыкташты
Блогерлер Арген Асанов менен Аружан Бекешева эки башка жолго түшкөнүн жарыялашты. Алар мындай чечимди сүйлөшүүдөн кийин кабыл алышканын социалдык тармактагы баракчасы аркылуу билдиришти.
Аружан Бекешеванын айтымында, апасы, кайненеси, Арген төртөө жолугуп, сүйлөшүшкөн.
Ал арада Арген Асанов батирдеги буюмдарын чогулутуп жаткан видеосун жарыялап: "Мына, бул аягы. Бактылуу болсун. Бул үйдө бир гана жакшы элестер калды. Жаманы мен болоюн деп дайыма айтып келем, кандай учур болбосун ал менин тандаган жарым", - деген.
Буга чейин Блогер Аружан Бекешева Instagram баракчасына жолдошу Арген Асанов кол көтөргөнүн айтып чыккан.
Белгилей кетсек, Арген Асанов менен Аружан Бекешева Казакстандын "Бир болайык" шоусу аркылуу табышкан. Алар 2023-жылы баш кошушкан.
