Нарында тыюу салынган чөптүн тамырын чогултуп жүргөн жарандарга айып салынды
Нарында облусунун Тоголок Молдо айыл аймагынан жана Арпа жайлоосунан эндиктин тамырларын мыйзамсыз казып жүргөн 10 жаран аныкталды. Жаратылыш ресурстары министрлигинен белгилешкендей, укук бузган жарандарга айып пул салынды.
Белгилүү болгондой, жарандардын кайрылууларынын негизинде 9-12 июль күндөрү эндиктин тамырларын массалык түрдө казууга бөгөт коюу максатында рейддик иш-чара өткөн.
Ошондой эле Ат-Башы районунан эндик чөбүнүн тамырларын чогултуп жаткан жаран аныкталып, ага да 5500 сом айып салынды. Чогултулган 416 килограмм эндик чөбүнүн тамырлары Ат-Башы РИИБине өткөрүлүп берилди.
Белгилей кетсек, Кыргызстандын өсүмдүктөр дүйнөсүн сактоо жана көбөйтүүнүн алкагында Министрлер кабинетинин №270 "Өсүмдүктөр дүйнөсүнүн айрым түрлөрүн пайдаланууга убактылуу тыюу (мораторий) киргизүү жөнүндө" токтому кабыл алынган. Ага ылайык:
- макротомия (Macrotomia DC) - эндик
- арнебия (Арнебия Форск)
- күл дарагы (Dictamnus L)
- монахтар (Aconitum L)
- афлатун пияз (Allium aflatunense B.Fedtsch) чөптөрүн колдонууга тыюу салынган.
Министрликтен кошумчалашкандай, Кыргызстандын аймактарында жогорудагы өсүмдүктөрдүн түрлөрү көзөмөлсүз жана көп учурда мыйзамсыз чогултуунун натыйжасында түгөнүп баратат.
