Чек ара кызматы депутаттын чек арадагы окоптор тууралуу билдирүүсүнө комментарий берди
Кыргыз Республикасынын Улуттук коопсуздук мамлекеттик комитетинин Чек ара кызматы, Жогорку Кеңештин депутаты Аккулу Бердиевдин Ош облусунун Чоң-Алай районундагы кыргыз-тажик чек ара участкасында кырдаалдын курчушу мүмкүн экендиги жөнүндө билдирүүсүнө комментарий берди жана мамлекеттик чек аранын кыргыз-тажик тилкесинде абал туруктуу экендиги баса белгилеп кетти.
"Республиканын чек ара башкармалыгы чек ара коопсуздугун камсыздоо боюнча зарыл чараларды көрүүдө, анын ичинде чек ара өкүлдөрүнүн аппаратынын ишин активдештирүү, мамлекеттик чек арада инциденттердин жана алардын деэскалациясынын алдын алуу боюнча чаралар көрүлүүдө", - деп айтылат билдирүүдө.
Мындан тышкары, чек ара аймактарындагы кырдаалга мониторинг жана талдоо жүргүзүлүп, бир катар ыкчам иш-чаралар жүргүзүлүп жатат жана башка мамлекеттик органдар менен тыгыз кызматташуу механизми тынымсыз иштелип жатат.
Кыргыз Республикасынын Улуттук коопсуздук мамлекеттик комитетинин чек ара кызматы мамлекеттик чек арадагы кырдаалдын курчушуна ыкчам жана адекваттуу жооп кайтаруу үчүн жетиштүү күчтөргө жана каражаттарга ээ.
Биз жарандарды мамлекеттик чек арадагы кырдаалды курчутууга өбөлгө болгон билдирүүлөргө маани бербөөгө, айрыкча, мамлекеттик чек аранын кыргыз-тажик бөлүгүндө кырдаал турукташкан мезгилде ар кандай азгырыктарга алдырбоого чакырат элек.
Бүгүн 19- май күнү Жогорку Кеңештин отурумунда депутат Аккулу Бердиев Тажикстандын жарандары Чоң Алай районундагы кыргыз-тажик чек арасында окопторду казышкан деп маалымат берген болчу.
