Аккула ипподромун чет элдик компанияларга сатуу каралууда
Бишкек шаардык мэриясы Аккула ипподромун, анын ичинде жер тилкелерин сатып алуу-сатуу жолу менен менчиктештирүүнү карап жатат. Тиешелүү мыйзам долбоору Бишкек шаардык кеңешинин кароосуна жөнөтүлдү.
Мэрия Аккула ипподромунун мүлк комплекси 2024-жылдын 15-апрелинде жана 11-июнда эки жолу ачык аукционго коюлганын белгилейт. Бирок аукциондун катышуучулары келбегендигине байланыштуу бул аукциондор жараксыз деп табылды.
2024-жылдын 8-июлунда Бишкек шаардык мэриясына ROX Group жана TNG Global фондунан жалпы аянты 55,73 гектар жер тилкеси менен Аккула ипподромунун мүлк комплексин түз сатып алуу сунушу түшкөн.
"Мүлккө муниципалдык менчик жөнүндө" мыйзамдын 12-беренесинин 3-бөлүгүнө ылайык, эгерде муниципалдык менчиктин объекти эки жолу ачык аукционго белгиленген тартипте коюлуп, сатылбай калса, мындай муниципалдык менчик объектиси жергиликтүү кеңештин чечими түздөн-түз сатуу жолу менен жүзөгө ашырылышы мүмкүн", – деп айтылат негиздеме маалымкатта.
Компаниялар жөнүндө эмнелер белгилүү
Ачык булактарга ылайык, TNG Global эл аралык менчик ээси, баш кеңсеси Гибралтарда жайгашкан. Турак жай, коммерциялык жайлар жана мейманкана тармактарында иштейт.
ROX Real Estate - Аризонадагы Алтын коридордогу алдыңкы кыймылсыз мүлк компаниясы, соода жана өнөр жай объекттерин сатып алуу, сатуу, ижарага алуу, инвестициялоо, сатуу же лизингге берүү боюнча кызматтарды көрсөтөт.
