Бостериди сууга чөккөн жигиттин сөөгү эртеси табылды
Ысык-Көлдүн Бостери айылында көлгө 22 жаштагы жигит чөгүп кеткен. Өзгөчө кырдаалдар министрлигинен билдиргендей, анын сөөгү бир күндөн кийин табылган.
Белгилүү болгондой, 11-августта Бостеридеги пансионаттардын биринин пляжында 2002-жылы туулган Б.Р уулу сууга чөккөн. Жигиттин сөөгү эртеси, 12-августта табылган. Издөө иштерине үч куткаруучу жана төрт суучул тартылган.
Ысык-Көл облусунун ички иштер башкармалыгы алгачкы экспертизанын жүрүшүндө маркумдун денесинен зомбулуктун белгилери табылбаганын белгиледи.
Сууга чөгүп каза болгон жигит Нарын облусунун Кочкор районунун тургуну болгон.
Соттук-медициналык экспертиза дайындалып, маркумдун ата-энеси арыз берүүдөн баш тартышкан.
Окуянын чоо-жайы жана чөгүп кетүү себептери териштирилип жатат.
Башкы беттеги сүрөт: социалдык тармактардагы видеодон алынган кадр.
