Зындан тоо көлү жарылганынан улам Туура-Сууга өзгөчө кырдаал абалы жарыяланды
21-августта, Ысык-Көл облусунун Тоң районуна караштуу Туура-Суу айылынын эли ӨКМ тарабынан эвакуацияланган. Себеби, кечээ Зындан тоо көлү жарылып, суу ташкыны коркунучу жаралган болчу.
Бүгүн, 22-августта Туура-Сууга өзгөчө кырдаал абалы жарыяланды. Бул тууралуу ӨКМдан билдирди.
Учурда Бөкөнбаев-Көл-Төр-Дөң-Талаа унаа жолунун Туура-Суу-Темир-Канат жол бөлүгүндө каттам жабык.
Ысык-Көл облусундагы Туура-Суу айылында Зындан көлү жарылып, андан соң айыл аймагын суу каптап, азыркы учурда Тоң районундагы Туура-Суу-Темир-Канат унаа жолунда каттам жабык.
Туура-Суу айылынын тургундары эвакуацияланды.
№33 Жол эксплуатациялоо ишканасынын кызматкерлери тарабынан азыркы учурда 1 экскаватор жана 1 жүктөгүчтүн жардамы менен жолду жана айылды суу каптоого каршы иш-аракеттери жүрүүдө.
