КВНдин алып баруучусу Александр Масляков кайтыш болду
КВН долбоорунун туруктуу алып баруучусу жана башчысы, Россиянын Эл артисти Александр Масляков каза болду. Маалыматтарга караганда, ал 8-сентябрда 82 жашында кайтыш болду.
Алып баруучунун өлүмүнүн себеби айтыла элек, бирок анын ден соолугу 2022-жылы коронавирусту кайра жуктуруп алгандан кийин байкалаарлык начарлап кеткени жана акыркы убакта өпкөсүндө көйгөй бар экени белгилүү болгон.
Александр Масляков 1941-жылы 24-ноябрда Свердловск шаарында туулган.
1964-жылдан бери КВНдин ("Шайырлар жана тапкычтар клубу") алып баруучусу болуп келен. Мындан тышкары 1970-1980-жылдары "Салам, биз таланттарды издейбиз", "Келгиле, кыздар", "Келгиле, балдар" жана башка көптөгөн телеберүүлөрдү алып барган. 1971-жылы КВН жабылган, бирок 1986-жылы программа кайра эфирге чыгып, Масляков анын туруктуу алып баруучусу болгон.
2022-жылдын Жогорку Лигасынын сезонунда Масляков эки гана оюн өткөргөн (калганында аны Биринчи каналдын башка алып баруучулары алмаштырышкан), 2024-жылдын жазында ал программанын алып баруучусу кызматынан кеткендигин расмий жарыялаган.
