Скутер менен iPhone 13 карактоого шектүү жарандар кармалды
Бишкекте милиция тоноочулукка шектүүлөрдү кармады. Бул тууралуу Октябрь райондук ички иштер башкармалыгынын басма сөз кызматы билдирди.
Маалым болгондой, 11-августта Октябрь райондук ички иштер башкармалыгына М.А аттуу жаран арызы менен кайрылып, белгисиз адамга мыйзамдуу чара көрүп берүүсүн суранган. Себеби, ушул жылдын 10-август күнү Бишкек шаарынын Ахунбаев көчөсүндө, скутер менен, 60 миң сомдук " iPhone 13" үлгүсүндөгү уюлдук телефонун ачык түрдө ээлеп алып, белгисиз тарапка качып кеткен.
Бул факты боюнча РИИБдин тергөө кызматы тарабынан Кылмыш-жаза кодексинин 206-беренесине (Тоноо) ылайык кылмыш иши козголгон.
Тергөөнүн жүрүшүндө, 2004-жылы туулган Д.У., жана 2003-жылы туулган Ш.А. аттуу жарандар кармалып, убактылуу кармоочу жайына киргизилген.
Азыркы учурда ушул сыяктуу кылмыш фактыларын жасоого катыштыгы бар экендиги аныкталууда.
