Трассада бараткан унаага ок атылган. Шектүү кармалды
Жалал-Абад облусунун Ала-Бука районунда пикир келишпестиктен улам 30 жаштагы жаран унаага ок аткан. Кесепетинен 25 жаштагы жигит жаракат алганын ИИМден билдиришти.
Маалыматка караганда, 12-сентябрда саат 16:55 чамасында Жапа-Салды айылынын ортосунда белгисиз жарандар унаанын артынан кууп барып, ок чыгарган.
Териштирүү иштеринин алкаганда Ала-Бука РИИБдин жетекчилиги окуя болгон жерге барган кезде болжол менен 25-30 жаштардагы жигиттер өз ара уруша кетип, бирөө трамватикалык курал менен ок чыгаргандыгы аныкталган.
Аталган факты боюнча 280-берене (бейбаштык) менен кылмыш иши козголуп, соттук-медициналык, соттук-биологиялык жана соттук-баллистикалык экспертизалар дайындалган.
Ок атууга шектелип Жалал-Абад облусунун Ала-Бука районунун 1994-жылы туулган К.Н. аттуу тургуну кармалып, тергөө кызматына жеткирилген. Ал буга чейин Россияда каракчылык фактысы менен соттолгон.
Ал эми жабырлануучу райондук ооруканага жеткирилди. Учурда териштирүү иштери жүргүзүүлүүдө.
