"Айласыздыктан". Аял өзүнүн майып уулун өлтүргөн

Бишкекте аял майып уулун өлтүрүп салган. Чечим Жогорку Соттун сайтына жарыяланган.

Ысымдар өзгөртүлдү

Үстүбүздөгү жылдын январь айында Татьяна менен анын 1980-жылы туулган уулу Виталий спирт ичимдиктерин ичишкен. Ошол учурда алардын ортосунда жаңжал чыгып, уулу энесин бетке муштап жиберген. Айласы кеткен аял өзүн кармай албай бычак менен уулун көкүрөк тушка уруп калган. Тергөө органдары Виталий майып болгондугун баса белгилеп, Татьяна, уулунун алсыз абалын пайдаланганын айтышты.

Соттук отурумдун жүрүшүндө аял "уулу ага арак сатып берүүнү талап кылып, аны шуркуя деп атаганын жана уулунун талабын аткарбай койгону үчүн уулу бет талаштыра койгонун" айткан. Мындан тышкары, ал аны үйдөн чыгарып салам деп коркуткан жана сыналгы көрүүсүнө тоскоолдук жараткан. Ошондо аял бычак менен уулун сайып салган. Бул окуядан соң ал кошунасына чуркап барып, болгон ишти айтып берген.

Татяна уулу жети жолу соттолгонун баса белгиледи. Ал буттарынын манжалары жок болгону үчүн эле майып саналчу. Бирок аны алсыз бечара деп айтууга болбойт, себеби ал көпчүлүк учурда ичип алып үйдө чыр чыгарып келген. Ал эми аялдын аны өлтүрөйүн деген ою болбогону белгилүү болду.

Күбөлөрдүн айтымында, Виталий "селсаяк болуп жүргөн учурунда бутун үшүккө алдырып, бутунун манжаларын кестирген", бирок ал кадимкидей эле басып, иштей алчу.

Башкы беттеги сүрөт иллюстративдик.