МККнын башчысы күтүүсүз жерден "кардар" катары КТБге барып, алардын ишине көз салды
Мамлекеттик каттоо кызматынын төрагасынын милдетин аткаруучу Залкарбек Карыбеков социалдык тармактардагы арыздарга байланыштуу борбор калаадагы бир катар тейлөө борборлорун текшерди. Бул тууралуу маалымат кызматынан билдиришти.
"Бүгүн мен КТБларга кардар сыяктуу эле барууну чечтим. Ал жерде бардыгы биз каалагандай боло бербейт. Дагы бир жолу, алар күтпөгөн учурда баруу абал менен таанышуунун эң натыйжалуу жолу экендигин түшүндүм" деди ал текшерүү учурунда.
МККдагы жоон топ кезектин негизги себептеринин бири 2020-жылдын үлгүсүндөгү Кыргыз Республикасынын жаранынын жаңы биометрикалык жарандык паспортторуна документтерди кабыл алууну баштоо, ошондой эле өргүү мезгилинин башталышы менен байланыштуу экендигин белгиледи. Ден-соолугуна байланыштуу дарыланып жаткандардан тышкары, калкты тейлөө борборлорунун бардык кызматкерлери кадимки режимде иштешет.
"Борбор калаадагы калкты тейлөө борборлорундагы узун кезектердин дагы бир себеби - жарандык абалдын актыларын каттоо, паспорттоштуруу жана калкты каттоо боюнча аймактык башкармалыктарда шарттын жана электрондук кезектин жоктугу. Чуй, Ош жана Жалал-Абад облустарында жарандар шаардык калкты тейлөө борборлоруна кайрылышса тезирээк жана сапаттуу кызмат кылат, анткени ал жерде шарттар түзүлгөн", - деп айтылат билдирүүдө.
"Мен өзүмдүн мониторингиме ылайык жана калкка ыңгайлуу болушу үчүн, калкты тейлөө борборлорунун иш графигин өзгөртүүнү чечтик. Эртең менен жумушту түшүрүү үчүн кабыл алуу жайын күчөтүүнү пландап жатабыз" деп жыйынтыктады Мамлекеттик каттоо кызматынын төрагасы Залкарбек Карыбеков.
Калкты тейлөө борборлорунун иш убактысы жайкы мезгилге гана өзгөртүлүп, күндүзгү сааттардын узактыгы белгиленет.
4-июндан 31-августка чейин 2021 КТБ саат 8: 00дөн 19: 00гө чейин иштейт.
