Казакстандагы коркунучтуу кургакчылык: малды картон менен азыктандырууга аргасыз кылууда
Казакстандык сегменттин социалдык тармактарында картон жеген төө жана жылкылар тартылган видеотасмалар таркаган. Фермерлер оор кырдаалдан чыгуунун жолун издеп жатышкандыгын көрүүгө болот. Райондо чөп жок экендиги белгиленди. Ошондой эле видеонун сүрөттөмөсүндө, быйыл талаада дээрлик жаан-чачын болбогону, жайыттар куурап калгандыгы кабарланууда.
"Тоюттун жетишсиздигинен, жылкылар менен төөлөрдү бага турган эч нерсе жок" деп айтылат видеодо.
"Алар эмне кылышы керектигин өздөрү билишет. Ооба, быйыл бизде көйгөй келип чыкты - кургакчылык. Бирок азыркы учурда аймакка тоют жеткирилип жатат. Актөбө аймагынан келген ишкерлер тоютту биздин аймакка алып келип жатышат", - деп жергиликтүү бийлик маалымат каражаттарына билдирди.
Буга чейин Мангистау облусунун акими Серикбай Трумов брифингде тоюттун корун көбөйтүү үчүн жергиликтүү бюджеттен 200 миллион теңгеден ашык каражат бөлүнгөнүн айткан.
"Акыркы жылдары аймактагы катуу кургакчылык мал чарбачылыкка терс таасирин тийгизүүдө. Кургакчылык шартында малды сактап калуу үчүн облуста чарбаларды тоют менен камсыз кылуу чараларын көрүү үчүн атайын штаб түзүлдү. Актөбө облусунун Акимчилиги менен меморандум түзүлүп, керектүү өлчөмдө жана Мангистаудагы малчыларга жайыт жана чөп чабындыга жер тилкелерин берилет. Биз бул ишти баштадык, коңшу региондордон жөнөтүлгөн тоют айыл чарба аграрийлерине жеткирилет",-деди ал.
