Кара-Суу районунда "Хизбут-Тахир" диний-экстремиттик уюмунун мүчөсү кармалды
2021-жылдын 16-июнь күнү Кара-Суу РИИБдин ЭММКАКтын экстремизмге каршы күрөшүү бөлүмүнүн кызматкерлери тарабынан, буга чейинки козголгон кылмыш ишинин негизинде жүргүзүлгөн иш чаралардын натыйжасында, Кара-Суу районунун тургуну, 23 жаштагы Г.А., аттуу жаран кармалган. Мындай маалыматты Ош ОИИБсинин басма сөз кызмты жиберди.
Аталган жаран "Хизбут-Тахрир" диний-экстремиттик уюмунун активдүү мүчөсү катары жүргөн, тагыраак айтканда Кыргыз Республикасынын аймагында тыюу салынган "Хизбут-Тахрир" диний-экстремиттик уюмунун аудио-видео материалдарын, жана атрибуттарын социалдык тармактардын бирине таратып жүргөндүгү аныкталган.
Шектүү Кыргыз Республикасынын Жазык -Процесстик кодексинин 98-беренесинин негизинде Кара-Суу РИИБдин убактылуу кармоочу жайына 48 саатка камакка алынды, учурда тергөө амалдары уланууда. Ал эми, аталаган кылмыш ишинин алкагында башка да кылмыштуу шериктерин аныктоо максатында ыкчам-тергөө амалдары жүргүзүлүүдө, деп Ош ОИИБдин басма сөз кызматы маалымдады.
