Марипов бийликтин ишине эмне тоскоол болуп жатканын айтты
Министрлер Кабинетинин төрагасы Улукбек Марипов министрлер кабинетинин ишине кадрларды дайындоого кийлигишүү жана коррупциялык компонент тоскоол болуп жатканын айтты. Бул тууралуу ал бүгүн, 17-июнда Жогорку Кеңештин жыйынында билдирди.
Анын айтымында, министрлер кабинетинин ишин сынга алган депутаттар өз кадрларын дайындабагандыгы үчүн ага таарынып жатышат.
Бул депутаттардын ысымдарын атоо талабына жооп берип жатып, Марипов Бактыбек Райымкулов алардын бири болгонун айтты. Ал өзүнүн таанышын Чүй облусунун Панфилов районунун акиминин орун басары кылып дайындоону суранган. Бирок, анын айтымында, дайындалбай калгандыгына байланыштуу, депутат таарынып, сындап жатат.
Райымкулов мындай сүйлөшүү бир эле жолу болгон деп жооп кайтарды.
"Бүгүн биз башка маселени карап жатабыз. Эгер чече албасаңар, кеткиле! Ал эми силер иштөөнүн ордуна барып, селфи кылып жүрөсүңөр", - деди депутат ачууланып.
Андан кийин Марипов Райымкуловго топтолгон көйгөйлөрдү өзү чечүүнү сунуштады.
"Комитетте кетүүгө даярмын дедиңиз эле, кетиңиз!" - деди депутат.
