Тышкы иштер министрлиги Кыргызстанга кирүүнүн жаңы алгоритмдерин эске салды
Кыргызстандын мамлекеттик чек арасынан өтүп жаткан кыргызстандыктарга, чет элдик жарандарга жана жарандыгы жок адамдарга карата коронавирус инфекциясын алып келүүнүн жана жайылышынын алдын алуу боюнча иш-аракеттердин алгоритмине өзгөртүүлөр киргизилди. Бул тууралуу Тышкы иштер министрлигинин басма сөз кызматы билдирди.
"Өзгөртүүлөргө ылайык, өлкөгө кирүү үчүн Кыргызстандын жарандары, чет өлкөлүк жарандар жана жарандыгы жок адамдар өлкөгө келгенге чейин акыркы 72 саат ичинде жүргүзүлгөн ПЦР тестинин натыйжаларын же коронавирус инфекциясына каршы вакцина алгандыгын тастыктаган документ (күбөлүк) көрсөтүшү керек "деп айтылат билдирүүдө.
Жогорудагы талаптар дипломатиялык өкүлчүлүктөрдүн кызматкерлерине жана эл аралык уюмдардын Кыргызстанда аккредитацияланган кызматкерлерине дагы тиешелүү.
Бул талаптар төмөнкүлөргө жайылтылбайт:
- чет мамлекеттердин жана эл аралык уюмдардын расмий делегацияларынын мүчөлөрү, Кыргыз Республикасынын ыйгарым укуктуу мамлекеттик органынын чакыруусу боюнча келгендерге;
- 5 жашка чейинки балдар (кошо);
- Кыргыз Республикасына келе турган шайлоо жараянынын эл аралык байкоочулары.
Күтүлбөгөн жагдайлардан же учуунун узактыгына байланыштуу себептерден улам ПТРдин тестирлөөнүн натыйжаларынын белгиленген мөөнөтү аяктаганда (72 саат), чет мамлекеттердин жарандары жана жарандыгы жок адамдар ошол жерде аба майданынан ПЦР изилдөөсүнөн өтүшөт..
Министрлик коронавирус инфекциясына каршы COVID-19 вакцинасын алгандыгын тастыктаган документ (сертификат) Кыргызстанда таанылышы керек деп белгиледи.
Жогоруда көрсөтүлгөн талаптар колдонулат:
- 2021-жылдын 19-июнунан тартып - мамлекеттик чек араны аба өткөрүү пункттары аркылуу кесип өткөн жарандарга карата;
- 2021-жылдын 12-июнунан тартып - кургактык көзөмөл өткөрүү пункттары аркылуу чек арадан өткөн жарандарга карата.
Тышкы иштер министрлиги чет өлкөлүк жарандардын жана жарандыгы жок адамдардын өлкөгө кирүүсүнө убактылуу чектөөлөрдү белгилеген өкмөттүк буйруктун күчүн эскертет, төмөнкүлөрдөн тышкары:
- өлкөгө аба бекеттери аркылуу келген чет элдик жарандар жана жарандыгы жок адамдар ("Манас", "Ош", "Ысык-Көл" аэропорттору);
- өлкөгө үй-бүлөнү бириктирүү, дарылануу, билим берүү, маркумду акыркы сапарга узатуу иш-чараларына катышуу максатында келген чет өлкөлүк жарандар жана жарандыгы жок адамдар иш сапардын максатын документ менен тастыктаган учурда.
Ошол эле учурда, жогоруда көрсөтүлгөн чектөөлөр төмөнкү чет мамлекеттердин жарандарына жайылтылбайт (ПЦР анализдеринин же эмдөөдөн өткөндүгүнүн сертификатын милдеттүү түрдө берүү шартында):
Россия Федерациясы;
Грузия;
Азербайжан Республикасы;
Армения Республикасы;
Беларусь Республикасы;
Казакстан Республикасы;
Түркмөнстан;
Бельгия Королдугу;
Австрия Республикасы;
Улуу Британия жана Түндүк Ирландиянын Бириккен Королдугу;
Германия Федеративдик Республикасы;
Ирландия Республикасы;
Исландия Республикасы;
Италия Республикасы;
Латвия республикасы;
Литва Республикасы;
Лихтенштейн;
Люксембург Улуу Герцогдугу;
Португалия Республикасы;
Түркия Республикасы;
Швейцария Конфедерациясы;
Швеция Королдугу;
Катар мамлекети;
Бириккен Араб Эмираттары;
Кытай Эл Республикасы;
Малайзия;
Түштүк Корея;
Пакистан Ислам Республикасы;
Словения Республикасы;
Кувейт мамлекети;
Япония мамлекети;
Өзбекстан Республикасы;
Венгер Эл Республикасы.
Бул талаптар өлкөдө коронавирустук COVID-19 инфекциясынын жайылышын алдын алуу максатында гана кабыл алынгандыгы белгиленди. Кыргызстанга саякаттоону алдын-ала пландаштырыңыз.
