Тайырбек Сарпашев 31-июлга чейин УКМКнын тергөө абагына камалды
Мурунку биринчи вице-премьер-министр Тайырбек Сарпашевге баш коргоо чарасы көрүлдү. Бишкек шаарынын Биринчи Май райондук соту аны 31-июлга чейин камакка алды.
Ал УКМКнын СИЗОсуна камалаары белгилүү болду.
Эскерте кетсек, Тайырбек Сарпашев "Кумтөр" иши боюнча Кыргыз Республикасынын Кылмыш-жаза кодексинин "Коррупция" беренеси менен кармалган.
УКМКнын маалыматы боюнча, Кумтөр кенин иштетүү боюнча долбоорду жүзөгө ашыруунун ар кандай баскычтарында коррупциялык ишти тергөө учурунда, кылмыш иш-аракеттери Кыргыз Республикасынын мурунку биринчи вице-премьер-министри Тайырбек Сарпашевге карата аныкталган, ал өлкөнүн жогорку саясий жетекчилиги жана канадалык "Центерра" компаниясынын өкүлдөрү менен тымызын сүйлөшүп алган. Анын ишмердүүлүгү Кумтөр кенинде жайгашкан мөңгүлөрдүн экологиялык коопсуздугуна зыян келтирип, ушул компаниянын кызыкчылыктарын лоббилөөгө багытталган.
УКМК Сарпашев өкмөттө жогорку кызматтарды ээлеп, "Центерранын" кызыкчылыгын көздөп, мөңгүлөрдүн сакталышын камсыз кылуучу "Мөңгүлөр жөнүндө" Мыйзамдын долбоорун иштеп чыгууга жана кабыл алууга тоскоол болгон.
Андан тышкары, Сарпашев, кылмыштуу макулдашуу боюнча, республиканын Суу кодексине өзгөртүүлөрдү киргизип, өлкөнүн парламентинин кароосуна киргизип, Кумтөр Голд Компани Лисый жана Давыдов мөңгүлөрүнүн талкалануусуна алып келген.
