Тимур Файзиевге карата кылмыш иши токтотулду
Elite House курулуш компаниясы экс-башкы директор Тимур Файзиевге карата кылмыш иши токтотулган. Бул тууралуу Кактус.медиага укук коргоо органдарындагы булактар кабарлашты.
Алдын ала маалымат боюнча, Файзиев мамлекетке эки миллион доллар төлөгөн. Ошондой эле анын фигурасы изделип жаткан адамдардын тизмесинен чыгарылып, ал учурда Кыргызстанда - Ысык-Көлдө эс алып жаткандыгы маалымдалды.
Дагы бир маалымат булагы редакцияга билдиргендей, ишкерге козголгон иш али жабыла элек: ага өлкөдөн чыгып кетпөө тууралуу тил каттын негизинде тергөө изолятору-1 камакка алуу түрүндө гана баш коргоо чарасы өзгөртүлдү. Бирок бул булак Файзиев мамлекетке эки миллион доллар төлөгөн деп да айткан.
Азырынча ишкер өзү же анын жакындары бул маалыматка комментарий бере элек. Белгилей кетсек, Файзиевдин Инстаграмдагы аккаунту ар дайым активдүү болгон, бирок акыркы 2,5 айда ал жерде бир дагы жарыя байкала элек.
Бул маалымат боюнча УКМКнын басма сөз кызматы дагы комментарий берген жок.
Эске салсак, ушул жылдын май айынын аягында Тимур Файзиев Бишкектен жер тилкелерин алууда, ошондой эле мыйзамсыз курулуштарда коррупцияга катыштыгы бар деп шектелгени белгилүү болгон. 27-майдын кечинде Биринчи Май райондук соту аны сыртынан камакка алган.
