"Башаламандык болуп жатат" "Ынтымак" партиясы Ош шаарындагы шайлоого катышуудан баш тартты
Ынтымак саясий партиясы Ош шаарындагы шайлоого катышуудан баш тартты. Мындай чечимди партиянын лидери Марлен Маматалиев кабыл алды.
"Урматтуу кыргызстандыктар, Ынтымак партиясы Оштогу шайлоого катышуудан баш тартууда. Биз алгач баарына - коомго, өлкө жетекчилигине таза жана ачык шайлоо өткөрөбүз деп айтканбыз. Ага чейин биз 14 шаарга катышканбыз, анын 11инде. Ошол эле учурда, партия тарабынан бир дагы мыйзам бузуу болгон жок, атүгүл оозеки эскертүү да алган жокпуз.
Бул жолу шайлоо процесси таптакыр башка нукка бурулду. Ошто мыйзамсыздык жүрүп жатат жана айрым партияларга каршы тандалма күрөш жүрүп жатат. Буга Оштогу талапкерлерибиздин бирине каршы уюштурулган чагым мисал боло алат. Ушул нюанстардын бардыгын эске алып, биздин команда катышуудан баш тартууну чечти. Биз өзүбүздүн имиджибизди жана жүзүбүздү, биринчи кезекте, шайлоочуларыбыздын алдында сактап калгыбыз келет.
Бизге биринчи жолу ишеним арткан Ош шаарынын тургундарына өзгөчө ыраазычылыгыбызды билдиребиз. Беш миңге жакын шайлоочу бар болчу. Экинчиси, бизди колдогондорго рахмат айткыбыз келет, бул болсо биз үчүн өз добуштарын бергиси келген дээрлик жети миң шайлоочу.
Биз Исхак Раззаковдун: "Сен таза болсоң, мен таза болсом, анда коом дагы таза болот!" - деген сөзүн ар дайым эсибизден чыгарбайбыз жана карманабыз. - деди Маматалиев.
