Жаза аткаруу кызматы Дөө-Чыңгыздын бошотулушу "мыйзам чегинде өттү" деп билдирди
Жазаларды аткаруу мамлекеттик кызматынын басма сөз кызматы кылмыш дүйнөсүндө "Дөө" деген ат менен белгилүү Чыңгыз Жумагуловдун бошотулушуна байланыштуу түшүндүрмө берди. Буга чейин бошотуу мыйзам бузуулар менен ишке ашканы белгиленген: Жумагулов жумуш убактысынан тышкары бошотулган, бул одоно мыйзам бузуу.
"Жумагулов беш жылга эркинен ажыратылды, ал эми жаза мөөнөтү 2021-жылдын 11-июлунда, башкача айтканда жекшембиде туура келген
.
Өз кезегинде, Кыргыз Республикасынын жаза аткаруу мыйзамынын 159-беренесинин 2-бөлүгүнө ылайык:
- белгилүү бир мөөнөткө эркиндигинен ажыратуу түрүндөгү жазага соттолгондор жаза мөөнөтүнүн акыркы күнүнүн биринчи жарымында бошотулат;
- эгерде жазанын мөөнөтү дем алыш күнү же майрам күнү бүтсө, соттолгон адам жазаны өтөөдөн мурунку күнү же майрам күнү бошотулат.
Бул нормага ылайык, Жумагулов ишембинин биринчи жарымында, 10-июлда бошотулган. Жумагуловду бошотуу мыйзамдын чегинде болуп, Жазаларды аткаруу мамлекеттик кызматы тарабынан кызматтык текшерүүгө негиз жок ", - деп билдиришти башкармалыктан.
