Өмүрбек Бабанов тергөө абагынан бошотулду. Ал дарылануу үчүн чет өлкөгө кетет
Кыргыз Республикасынын мурунку премьер-министри Өмүрбек Бабанов ден-соолугуна байланыштуу УКМКнын абагынан бошотулду. Ал дарылануу үчүн чет өлкөгө учуп кетет. Бул тууралуу Кыргызстандын Улуттук коопсуздук мамлекеттик комитети билдирди.
Атайын кызмат Бабанов Кумтөр алтын кенин иштетүү боюнча долбоорду ишке ашыруунун ар кандай баскычтарында коррупция фактысы боюнча кармалгандыгын эске салды.
"Бабановго карата камакта кармоо мөөнөтүн узартуу маселесин кароодо, экинчисинин ден-соолугунун начарлап кеткендигин жана республиканын чегинен тышкары медициналык мекемелерде дарылоону талап кылган оорулардын бар экендигин көрсөткөн медициналык документтер алынды", - деп түшүндүрдү УКМК.
Буга байланыштуу 27-июлда Бишкек шаарынын Биринчи Май райондук соту Бабановдун баш коргоо чарасын өзгөртүп, чет өлкөдө квалификациялуу медициналык жардам алууну камсыз кылуу максатында ал камактан бошотулган.
УКМК бул кылмыш иши боюнча тергөөнүн жүрүшү жана натыйжалары жөнүндө, анын ичинде Өмүрбек Бабановго байланыштуу, анын иш-аракеттерине акыркы укуктук баа берилип, коомчулукка тынымсыз маалымат берип турушаарын белгиледи.
