Подрядчиктердин начар иштегендигинен нарындыктар суусуз калышты
Подрядчиктердин сапатсыз иштегендигинен Нарын шаарынын тургундары ичүүчү суусуз калышты. Бул тууралуу Kaktus.mediaга шаардык мэриядан кабарлашты.
Мэрия долбоордун алкагында Шералиев, Москва көчөлөрүндө, Кирпич аймагында суу түтүктөрү алмаштырылып, Чой-Алыш көчөсүнө суу орнотулгандыгын билдирди. Сыноо учурунда жаңы суу түтүктөрү басымга туруштук бере албай, авариялык жарылуулар болду. Натыйжада жергиликтүү тургундарга суу берүү үзгүлтүккө учурады.
"Жалпысынан жаңы суу түтүктөрүндө 32 жарылуу болду. Долбоордун алкагындагы иштер Нарын суу чарба ишканасы тарабынан кабыл алынган жок. Нарын шаардык мэриясы долбоордун акыйкатсыз ишке ашырылышы боюнча материалдарды укук коргоо органдарына өткөрүп берди. Тергөө жүрүп жатат ", - деп билдирди мэриядан.
Суу түтүктөрүн оңдоо боюнча тендерди KS Solution компаниялары утуп алган, долбоордун автору Encon компаниясынын өкүлү Александр Хромов болчу.
Ошондой эле, Водоканал Минур компаниясына мыйзам бузууларды көрсөтүп, 18 пункттан турган сунуш жөнөткөнү маалымдалды.
