Эми эмдөө сертификатын жана ПЦРдин натыйжаларын мобилдик тиркеме аркылуу алууга болот

Калкка Тундук мобилдик тиркемеси аркылуу COVID-19 эмдөө сертификатын жана ПЦР тестинин натыйжаларын алыстан алуу мүмкүнчүлүгү түзүлдү. Электрондук сертификатта COVID-19 эмдөөсү жөнүндө маалыматтар, ошондой эле сертификаттын маалыматтарынын аныктыгын текшерүү үчүн QR коду бар.

Санариптик өнүгүү министрлигинин басма сөз кызматы билдиргендей, кызматты активдештирүү үчүн КТБдан булутка негизделген электрондук санарип кол тамгасын алып, тиркемени бир жолу жүктөп алуу керек. Мобилдик тиркеме акысыз жана Google Play Market жана App Storeдо жеткиликтүү.

Кызматта тиркемеде төмөнкүдөй кызмат көрсөтүүлөр бар:

• пенсионердин расмий статусу жөнүндө маалымат;
• пенсиялык топтоо жөнүндө маалымат (топтоочу пенсиялык фонд);
• "балага сүйүнчү" төлөмүн алуу үчүн арыз берүү;
• берилген патенттердин тарыхы;
• соттуулуктун бар же жок экендиги жөнүндө маалымкат алуу үчүн арыз берүү;
• айыл чарба малынын бар экендиги жөнүндө маалымат;
• кыймылдуу мүлккө салыкты эсептөө;
• COVID-19 эмдөө сертификатын берүү;
• мамлекеттик лабораториялардан алынган ПЦР анализинин натыйжалары жөнүндө маалымкат;
• ОМС Фондусун камсыздандыруунун абалы жөнүндө маалымат;
• идентификацияланган жаныбар жөнүндө маалымат;
• салык төлөөчүнүн каттоо маалыматтары жөнүндө маалымат берүү;
• кыймылдуу мүлккө салыкты эсептөө;
• майыптык статусунун бар экендиги жөнүндө маалымат;
• жумушсуздардын расмий статусу жөнүндө маалымкат;
• иштеген жеринен маалымкат;
• бизнес жүргүзүү жөнүндө маалымат берүү;
• камсыздандыруу төгүмдөрүн эсептөө жөнүндө маалымат;
• каттоо кызматы жөнүндө маалымат;
• кош бойлуулук жана төрөт боюнча жөлөкпул алуу үчүн арыздын абалын текшерүү жана башка көптөгөн мамлекеттик кызматтар.

"Бардык документтер толук юридикалык күчкө ээ жана түп нускасына барабар. Tunduk тиркемесиндеги бардык тастыктамалар автоматтык түрдө түзүлгөн QR кодун камтыйт, анда түпнуска документтин уникалдуу идентификатору жөнүндө маалымат текшерилет.

Tunduk мобилдик тиркемеси 2020-жылдын декабрь айынан бери иштеп келе жатат. Ошол эле мамлекеттик portal.tunduk.kg порталы 2019-жылдын октябрь айынан бери иштеп келе жатат. Учурда жарандардын 30 миңден ашуун кайрылуулары иштелип чыгып, 29 миң колдонуучу катталды ", - деп билдиришти башкармалыктан.