Чек ара жаңжалынан жабыркагандарга 140 үй августтун аягына чейин салынат
2197
Кыргызстандын эгемендүүлүгүнүн 30 жылдыгына карата 31-августка чейин Баткендеги чек ара жаңжалынан жабыркагандарга 140 үйдүн курулушун бүтүрүү пландалууда. Бул тууралуу президенттин Баткен облусундагы ыйгарым укуктуу өкүлчүлүгүнүн басма сөз кызматы билдирди.
29-30-апрелде Баткендеги кыргыз-тажик чек арасында болуп өткөн каргашалуу окуяда жабыркагандардын турак-жайларын калыбына келтирүү иштери жүргүзүлүүдө Баткен районунда 40 үй, ал эми Лейлек районунда 100 үй болуп, жалпысынан 140 үй курулат.
Буга чейин Лейлек районунун Максат айылындагы 60 үй-бүлө заманбап, толук жабдылган үйлөргө көчүп киришти. Андан сырткары мектеп, бала бакча курулуп, жолдорду асфальттоо жана фельдшердик-акушердик пунктту оңдоо иштери жүрүп жатат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://gorod.kaktus.media/3146
