Исхак Масалиев Ош шаарынын мэрлигине талапкер Алмаз Мамбетовду манкурт деп атады
Алмаз Мамбетов Ош шаарынын мэри болгондон кийин шаарда орнотулган Владимир Лениндин эстелигин бузууну ойлонуп жатат. Бул тууралуу экс-депутат Исхак Масалиев социалдык тармактагы баракчасына жеке пикирин жарыялады.
Мэрликке талапкерлигин койгон саясатчы: "Калк ушундай чечим кабыл алса, эстелик бузулат",- деген. Андан тышкары "Ошто башка көйгөй жокпу?",- деп суроо калтырып кеткен.
В.Лениндин эстелигин бузам деген кандай манкуртсуң! Балыкчыдагы эстеликти алып салып, шаардыктардын жашоосу жакшырып кеттиби? Эми Оштогуну дагы ...
Исхак Масалиев: "Алмаз, иним, тынчтанууңду өтүнөм. Кыргыз мамлекеттүүлүгүнө шарт түзгөн эң маанилүү адамдардын бири Владимир Ленин болгон. Муну эч ким талаша албайт. Андан көрө экономиканы жакшырткыла, завод-фабрикаларды жандандыргыла, мектептер менен ооруканаларды кургула",- деп кайрылды.
Эске сала кетсек, Ош шаарынын мэрин шайлоо эртең, 26-августта өтөт. Бул кызматка Алмаз Мамбетов жалгыз талапкер. Ал 2014-2019-жылдары Балыкчы шаарынын мэри болгон.
