Бийликке жаккан жок го. Маданият министрлиги алты президенттин сүрөтүн алып салууну өтүндү
Маданият министрлиги Таалайбек Усубалиевдин "Ата-Бейит" сүрөтүн көргөзмөдөн алып салууну суранат. Бул тууралуу Kloopко Музейдин директору Айгүл Мамбетказиева билдирди.
"Бүгүн эртең менен мекеменин башчысы катары бул сүрөттү алып салуу боюнча рекомендация бар болчу. Мен дароо эле алардын эмне себептен алуу керек деген жүйөөлөрүн сурадым, мен албай койгом. Маданият министрлигинин кураторлору телефон чалышты жана суранышты. Анткени социалдык тармактарда кандайдыр бир талкууларды жаратууда. Бул маселе азырынча чечиле элек", - деди директор.
Ал баса белгилегендей, музей "сүрөттү алып салууга ниети жок". Мамбетказиеванын айтымында, ал "азырынча бийликтен эч кандай олуттуу кысымды" сезбей эле.
Директор Усубалиевдин сүрөтүндө "кандайдыр бир карама -каршылыкка, согушка, жек көрүүгө, мамлекеттик курулушту кулатууга" чакырган эч нерсе жок экенин белгиледи. Анын пикиринде, бул Кыргызстандын тарыхына байланышкан тематикалык сүрөт.
