Кыска метраждуу тасмалардын эл аралык фестивалы. Кыргызстандыктардын аты аталды
14-сентябрдан 18-сентябрга чейин КМШ, Балтика жана Грузия өлкөлөрүнүн жыл сайын өтүүчү "Кыргызстан - кыска метраждуу тасмалардын өлкөсү" аттуу эл аралык кинофестивалы өтөт. Ал республиканын эгемендүүлүгүнүн 30 жылдыгына арналат.
Улуттук сынактын катышуучулары аныкталды. Ага Кыргызстанда тартылган 12 тасма катышат:
- "Ак Кел", режиссеру Айбек Байымбетов;
- "Балапан", Данияр Абиров;
- "Эгиздер тогуздан кийин", Лунара Жээнбекова;
- "Кыз", Айпери Усманова;
- "Үй", Алтынкыз Шаршенкулова;
- "Жардам лифтти", Чолпон Асанбаева;
- "Эне", Бекзат Туратбек уулу;
- "Кайык менен", Байзак Маматалиев;
- "Скамейка", Арсен Дюшекеев;
- "Тайгак жол", Гүлнара Айтмаматова;
- "Үкөй", Аман Ажыматов;
- "Кадамдар", Жанайым Ашимова.
Тасманы көрсөтүү КМШга мүчө мамлекеттердин мамлекеттер аралык гуманитардык кызматташтык фонду (IFGS), Маданият, маалымат, спорт жана жаштар саясаты министрлигинин алдындагы кинематография департаменти, "Айтыш" коомдук фонду жана маданий кызматташтык фондунун колдоосу менен өткөрүлөт.
Фестиваль эл аралык жана улуттук конкурстук программаны камтыйт. Жанрлар - көркөм, даректүү, анимациялык жана эксперименталдык тасмалар.
Быйыл кинофестивалга чет өлкөлүк жана ата мекендик кинорежиссерлордон 500дөн ашык арыз түшкөн.
Кинофестивалдын салтанаттуу ачылышы 14-сентябрда саат 12:00дө "Манас" кинотеатрында болот.
17-сентябрда саат 16:00дө "Манас" кинотеатрында эл аралык жана улуттук кинофестивалдын "Эң мыкты тасма", "Эң мыкты режиссер", "Калыстардын атайын сыйлыгы" жана "Көрүүчүлөрдүн тандоосу боюнча сыйлык" номинациялары боюнча жеңүүчүлөр аныкталат.
Эл аралык сынакка катышуучулардын тизмеси 3-сентябрда белгилүү болот.
