ММК: Россияда жарандык учак кулап төрт адам каза болду
12-сентябрь күнү Иркутсктун жанындагы Казачинское айылынан төрт чакырым алыстыкта L-410 учагы кулаган. Lenta.ru билдиргендей, каза болгондордун саны төртөө.
Чыгыш Сибирдин транспорт прокуратурасынан ТАССка билдиришкендей, каза болгондордун арасында экипаждын эки мүчөсү жана эки жүргүнчү бар. Дагы бир жүргүнчүнүн абалы оор.
Учак кайда?
L-410 учагы кулаганын жүргүнчү аял кабарлаган. Ал 112ге чалып, бирок, байланыша алган эмес. Куткаруучулар анын болжолдуу кулаган жерине барышкан. Интерфакс билдиргендей, ал конуу тилкесинен төрт чакырым алыстыкта кулаган. Учактан төрт адам чыгарылды, бирок, алардын абалы тууралуу маалымат бериле элек. Самолёт кайра конуу үчүн кирип, радардан жоголгону белгиленди.
Приоритеттүү версия
ТАССтын маалыматы боюнча, учактын кулап түшүүсүнүн себеби мотордун иштебей калышы же экипаждын катасы болушу мүмкүн. Учактын шашылыш түрдө конгон жеринде катуу туман болгону айтылган. Ошол эле учурда, Интерфакска билдиргендей апааттын кесепети катары жабдуулардын иштен чыгышы да приоритеттүү версия катары каралууда.
Андан сырткары, буга чейин Иркутск облусунун Казачинско-Ленский районунун администрациясы төрт адам аман калганын, биринин абалы оор экенин жана 11 адам салондо камалып калганын билдирген.
Губернатор билдирген маалымат
Иркутск облусунун губернатору Игорь Кобзев Казачинское айылына төрт чакырым калганда кулаган L-410 учактын кыйрашынын чоо-жайын билдирди.
"Мен учактын салонунда болгон жүргүнчү менен байланыштым. Учактын структурасы деформацияланып, жүргүнчүлөр камалып калган. Азырынча баары тирүү жана сүйлөшүп жатышат", - деди ал.
Губернатор күбөлөр өрт чыкаан жок деп айтышты, деп кошумчалады. Ал куткаруучулар окуя болгон жерге келип, коюу туман түшүп турган шартта иштеп жатышканын маалымдады. ТАСС Кобзевге шилтеме берип, учак Ангара дарыясына түшүп кеткенин кабарлады. Губернатор кырсыкта каза болгондордун жана жабыркагандардын үй-бүлөлөрүнө жардам көрсөтүлөрүн убада кылды.
Буга чейин кырсыкка учураган жүргүнчүнүн уулу Елена Популях апасы менен байланышканын Mash Telegram каналына билдирген. Ал жүргүнчүлөрдүн баары аман экенин айткан. Мындан тышкары, Life Shot Telegram каналы окуя болгон жерде тартылган видеону жарыялады. Анда кабинада камалып калган жүргүнчүлөрдүн кыйкырыгын угууга болот. Алар жарыкты көргөн сайын жардам сурап жатышат.
Кылмыш иши
Учак конгондон кийин коопсуздук эрежелерин бузуу беренеси боюнча кылмыш иши козголду. "Россиянын тергөө комитетинин төрагасынын тапшырмасы менен кырсык фактысы боюнча кылмыш иши козголду", - деп айтылат РФ Тергөө комитетинин билдирүүсүндө. Иш "коопсуздук эрежелерин бузуу" беренеси боюнча козголду. Бул иш Тергөө комитетинин башчысы Александр Бастрыкиндин көзөмөлүнө алынып, Тергөө комитетинин борбордук аппаратына өткөрүлдү.
