Садыр Жапаров талиптер менен диалог жүргүзүү зарылдыгын белгиледи.
Президент Садыр Жапаров бүгүн, 16-сентябрда Душанбеде ЖККУнун Жамааттык коопсуздук кеңешинин сессиясында сүйлөп жатып, Афганистандагы кырдаал боюнча Кыргызстандын позициясын билдирди. Бул тууралуу өкмөт башчынын маалымат кызматы кабарлады.
"Биз региондогу коопсуздуктун гаранты катары ЖККУнун алкагында мүчө мамлекеттердин кызматташуусуна өзгөчө маани беребиз. Учурдагы аскердик-саясий абал чоң тынчсызданууну жаратат жана өз ара тыгыз аракеттенүүнү талап кылат. Ага биз даярбыз, ал эми уюмга мүчө бардык мамлекеттерди колдоо көрсөтүп, биргелешип иштөөнү улантууга чакырам", - деди ал.
Жапаров ага кошумчалай "аймакта теократиялык мамлекеттин түзүлүшү уюмга мүчө өлкөлөргө терс таасирин тийгизери шексиз" деп белгиледи.
Андан тышкары кыргыз тараптын Афганистан менен достук мамилелерди жана анын ички иштерине кийлигишпөөнү туура деп эсептерин билдирди
Мамлекет башчысы ошондой эле Афганистандын жаңы өкмөтүнүн өкүлдөрү менен кызматташуунун мүмкүн болгон варианттары боюнча диалог жүргүзүү зарылдыгын белгиледи.
Биз Афганистандагы кырдаалдын мүмкүн болушунча стабилдештирилишине жана өлкөнүн эли кабыл ала турган мамлекеттик структуранын алгылыктуу версиясы болушуна жана жаңы инклюзивдүү өкмөттүн түзүлүшүнө үмүттөнөбүз
