Тажик аскерлери кыргызстандык жаранды кармап кетишти
26-сентябрда Тажикстандын УКМК кызматкерлери Кыргызстандын жаранын кармап кетишкен. Бул тууралуу Кыргызстандын УКМКсынын Чек ара кызматынын коомчулук жана ЖМК менен байланыш бөлүмү билдирди.
Маалыматка ылайык, Лейлек районунун Жаштык айылынын 1995-жылы туулган тургуну Уразбек Мирзоев кармалган.
Алдын ала маалыматтар боюнча, Мирзоев Тажикстандын кичи автобусунда аялы менен болгон. Ал Худжанд-Канибадам жолунда Жигдалик айылына бара жатканда кармалган.
Мирзоевдин кармалышы боюнча жубайы Кыргызстандын чек арачыларына билдирген.
Бүгүн, 27-сентябрда Чек ара кызматынын Баткен облусунун өкүлү жана Согди өкүлдөрүнүн жолугушуусу пландалууда. Жолугушууда кыргыз жаранынын кармалышынын мыйзамдуулугу, ошондой эле аны кыргыз тарапка өткөрүп берүү талкууланат.
