Жолборс малдарды өлтүрүп, аюу адамдарга кол салган
Тажикстанда 40тан ашуун бодо мал жолборстун курмандыгына айланды. Окуя Тоолуу Бадахшан автономиялуу облусунун Ишкашим аймагында болгон. Бул тууралуу EurAsia Daily билдирет.
Өлкөнүн өзгөчө кырдаалдар комитетинин маалыматы боюнча, жырткыч 20-октябрдын таңында малдарга кол салган.
"20-октябрда, таңкы саат 04:00 чамасында, Ишкашим районунун Зоң айылындагы сарайда жолборс малдарга кол салган. Ал 31 баш майда жандыкты өлтүргөн. Андан сырткары 8 майда жандык жана эки мал жабыркады", - деп билдирет басма сөз кызматы.
Мындан бир күн мурун аюу ВБАнын Ванж аймагында отун терип жүргөн эки жергиликтүү тургунга кол салган.
19-октябрда, саат 10:00 чамасында, аюу Ванж районунун Вишхарв айылынын эки тургуну (2007-жылкы бала жана 1973 -жылы жаран) отун алып жатканда кол салган. Экөө тең жаракаттарды алып, бирок, бактыга жараша, аман калышкан. Бул тууралуу Тажикстандын Өзгөчө кырдаалдар комитетинин басма сөз борбору билдирди.
Жабырлануучулар жырткычтан качып кетүүгө үлгүргөнү такталды. Алар Ванж райондук ооруканасына жеткирилген. Учурда алардын абалы канааттандырарлык деп айтылууда..
