Курманкул Зулушев президенттен кечирим сурады
Садыр Жапаров бүгүн, 20-ноябрда, өлкөнүн Прокуратура органдарынын кызматкерлеринин күнүнө арналган салтанаттуу иш-чарада көзөмөлдөөчү органдын кызматкерлерин кесиптик майрамы менен куттуктады. Прокуратура органдарынын түптөлгөнүнө 97 жыл болду.
Өлкө башчысы сүйлөгөндөн кийин Кыргызстандын генералдык прокурору Курманкул Зулушев кызматкерлерин кесиптик майрамы менен куттуктап дароо президенттен Бишкектин Октябрь районунун прокурорунун орун басары үчүн кечирим сурады.
"Бир карын майды бир кумалак чиритет дегендей прокуратура кызматкерлерине көлөкө түшүргөндөр да бар. Майрамдын астында эки күн мурдагы иш катталганы үчүн кечирим сурайм", - деди баш прокурор.
Белгилей кетсек, 2021-жылдын январь айында Бишкектин эки тургуну Октябрь районунун прокурорунун орун басары Алтынбек Айдаровдун иш аракетине арызданышкан. Алардын айтымында, ал алдамчылыкка шектелгенге жазадан жардам берүүгө жардам берип, аны жактап сот отурумуна да келип турчу.
