Бишкектик өспүрүмдөр буйрук менен сейил бактарга баңгизат ташташкан
УКМК кызматкерлери Бишкек шаарында жана Чүй облусунда синтетикалык баңги заттарды таратуучу каналды аныктады. Бул тууралуу Улуттук коопсуздук боюнча мамлекеттик комитеттин басма сөз борбору билдирди.
Маалыматка ылайык, чет өлкөдө жүргөн каналдын уюштуруучулары жашы жете элек кыргызстандыктарды мыйзамсыз баңгизаттарды таратууга катыштырышкан. Алар чет элдик кураторлордун көрсөтмөсү боюнча сейил бактарга, скверлерге, бактарга баңгизаттардын чакан партияларынын кыстармаларын коюшкан. Ошондон кийин каалаган адам электрондук капчыктар жана банктык которуулар аркылуу алдын ала төлөө жолу менен координаттары тууралуу толук маалыматты ала алат, деп айтылат билдирүүдө.
"Мыйзамсыз схеманын катышуучуларынын ортосундагы жеке байланыштарды болтурбоочу алыскы байланыш каражаттарын жана жашынган жерлерди колдонууга карабастан, КР МУКК органдары тарабынан кылмыштуу топтун мыйзамсыз аракеттеринин бетин ачууга жана документтештирүүгө жетишти",- деп УКМКдан билдирди.
Чогултулган материалдар ЭЧКга "Сатуу максатында баңги каражаттарын, психотроптук заттарды жана алардын аналогдорун мыйзамсыз даярдоо" беренеси боюнча каттоого алынган. Каналдын түзүлгөн чет элдик уюштуруучуларына карата чет мамлекеттердин компетенттүү органдары менен биргеликте биргелешкен иш-чаралар демилгеленүүдө.
УКМК баңги каражаттарын, психотроптук заттарды жана алардын аналогдорун мыйзамсыз жүгүртүүгө катышкандар 14 жаштан баштап кылмыш жоопкерчилигине тартыларын эскертет.
Башкы беттеги сүрөт иллюстративдүү.
