Талгарбеков: Аскар Акаевге коюлган айыптоолордун бардыгы алынды
Кыргызстандын мурунку президенти Аскар Акаев 19-декабрда, жекшемби күнү Кыргызстандан учуп кетти. Бул тууралуу анын адвокаты Айбек Самарбеков билдирген. Бул маалыматты премьер-министрдин аппаратынын экс-жетекчиси жана анын жакын досу Бекболот Талгарбеков да Kaktus.kg'ге тастыктады.
Анын айтымында, мурунку президенттен Кумтөр иши боюнча - кызматтык ордунан кыянаттык менен пайдаланды деп коюлган бардык айыптоолор алынып салынды.
"Суракка алуу жыйынтыкталды, эми ал бош болот. Маселе 2002-жылы Centerra Gold Inc.ти түзүү боюнча болчу. Макулдашууну депутаттык комиссия түзгөн жана Дүйнөлүк банк менен Эл аралык валюта фонду тарабынан жактырылган. Макулдашууда Centerra Gold Inc.тин башка тараптарынын активдери 5%га жогору көрсөтүлгөн, кыргыз активдеринен тышкары. Валюталык институттар бекиткенден кийин КРдин бийлиги бекиткен", - деп Талгарбеков айтып берди.
Ал Кумтөрдөн бир да цент албаганы далилденди.
Адвокат азырынча телефон чалууларга жооп бербей жатат. УКМК дагы бул боюнча эч кандай комментарий бере элек.
