Адвокат: Калмаматов кичи ажылыкка Келдибеков менен учмак
"Манас" аэропортунда кармалган Жогорку Кеңештин мурдагы депутаты Бакытбек Калмаматов Ахматбек Келдибеков менен бирге кичи ажылыкка учуп кетмек. Бул тууралуу Kaktus.media редакциясына Калмаматовдун өкүлү Айым Камчыбекова билдирди.
Анын айтымында, кечээ, 21-декабрда расмий органдар Калмаматовдун өлкөдөн чыгуусуна чектөөлөр бар же жок экенин текшерип, бирок эч нерсе табышкан эмес.
"Саат 02:00дө "Манас" аэропортунун чек арачылары адегенде чуркап кирип Калмаматовду кармоо боюнча буйрук бар экенин айтып, андан соң ыкчам кызматкерлер келип, УКМКга алып кетишкен", - деди Камчыбекова.
Ал белгилегендей, Калмаматов 10 сааттан ашык тергөөчүлөр тарабынан суракка алынган. Алар мыйзам боюнча 8 сааттан ашык эмес суракка алууга милдеттүү болгону менен тыныгуу жарыялашкан эмес.
"Менин билишимче, эки кылмыш иши козголгон, бирок так эмне экенин билбейм", - деп түшүндүрдү Камчыбекова.
Ал ошондой эле Калмаматов Ахматбек Келдибеков, Мыктыбек Арстанбек жана башкалар менен бирге чакан ажылык сапарга жөнөгөнүн айтты. Анда кайра кайтып келүүгө билети болгон.
