Акыркы, жооп. "Ысык-Көл" мейманканасынын ордуна кандай имарат курулат?
Каражаттарды сарамжалдуу пайдалануу, жолдорду бошотуу жана борбордун эстетикалык көрүнүшүн жакшыртуу үчүн "Ысык-Көл" мейманканасынын ордуна мамлекеттик маанидеги жаңы административдик комплекс курулат. Бул тууралуу президенттин аппаратынан кабарлашты.
Азыр бул комплекстин максаттуулугу боюнча маселе каралып жатат.
Маалыматка ылайык, бузуу иштери "Кыргызкурулушсервис" мамлекеттик ишканасы тарабынан жүргүзүлүүдө. Курулуш президенттин жарлыгы менен жаңыдан түзүлгөн Кыргыз Республикасынын Президентинин Администрациясына караштуу Социалдык-экономикалык жана административдик объектилерди куруу, реконструкциялоо боюнча мамлекеттик дирекция тарабынан чет элдик инвесторлорду тартпастан ишке ашырылат.
Мындай чечим имаратты реконструкциялоого эч кимдин каалоосу жок болгондуктан кабыл алынган. Ири мейманкана түйүндөрүн да, чет элдик инвесторлорду да кызыктырган эмес. Натыйжада мейманкана 13-14 жыл ишин токтотуп, бара-бара урап калган.
Мындан тышкары президенттик администрация билдиргендей Кыргызстанда эгемендик жылдары бир дагы административдик имарат курулган эмес.
