Экс депутат Алиярбек Абжалиев кармалды. 2 миллион доллар алдап алган делип шектелүүдө
Жогорку Кеңештин мурдагы депутаты, экс-президент Сооронбай Жээнбековдун күйө баласы Алиярбек Абжалиев алдамчылыкка шектелип кармалды. Бул тууралуу УКМКдан кабарлашты.
Мамкомитеттин маалыматына караганда, аларга ишкер кайрылып, экс-депутат Алиярбек Абжалиевдин аракети 2 миллион доллар зыян келтиргендиги тууралуу билдирүү жасаган. Аталган факты КРнын Кылмыш-жаза кодексинин "Алдамчылык" беренеси менен катталды.
Кечээ, 10-февралда Бишкектин Биринчи Май райондук соту аны тергөө мөөнөтүнө УКМКнын СИЗОсуна камакка алды.
Эске салсак, Абжалиевге карата буга чейин да мыйзамсыз баюуга шектенип, кылмыш иши козголгон. Экс-депутат өлкөдөн чыгып кеткени айтылган. Бирок 2021-жылдын 28-июнунда Абжалиев Казакстан менен чек арадан өтүп кеткени белгилүү болуп, ал дароо УКМКнын кызматкерлери тарабынан кармалып, тергөө кызматына жеткирилген. Маалыматтарга караганда, ал 20 миллион сом төлөп, ага байланыштуу камактан бошотулган. Биринчи кылмыш иши боюнча келтирилген жалпы зыян, расмий тастыктоону талап кылган маалыматтарга караганда, 50 миллион сомду түзөт.
