Өзгөчө чыгармачылык. Талапкерлер шайлоочулардын көңүлүн кантип буруууга аракеттенүүдө
27-февралда Свердлов жана Биринчи Май райондорунда Жогорку Кеңешке кайра шайлоо өтөт. Эки райондон жалпысынан 52 талапкер катышууда. Алар активдүү үгүт иштерин жүргүзүп жатышат.
Үгүт өнөктүгү 7-февралда башталган. Биринчи жумада талапкерлер ишенимге кирбесе да, шайлоочуларды чыгармачылык менен таң калтырууга аракет кылышты.
Адылбек Гапаров
Гапаров социалдык түйүндөрдө өзүнүн программасы тууралуу айтып, колдонуучулардын көңүлүн буруу максатында чыныгы адамдардын мүчүлүштүктөрүн чагылдырган плакаттарды жасаган.
Абдурахманхаджи Муртазалиев
Муртазалиев Сүйүү күнүн шайлоо өнөктүгүндө колдонууну чечти. Ал өзү шаардыктарды 27-февраль күнкү шайлоого чакырып, агитациялык жүрөкчө чакырууларды тараткан.
Эльвира Сурабалдиева
Сурабалдиева да четте калбай, ошол күнү социалдык тармактарда өзүнүн сүйүктүү талапкерине, башкача айтканда, өзүнө добуш берүүгө чакырды.
Гуля Алмамбетова
Гуля Алмамбетова шайлоо өнөктүгүнө бюджети чектелүү экенин моюнга алып, шайлоочулардын үйлөрүнө жеке өзү барууну чечкен. Ал жөө жүрүп жана бул тууралуу социалдык тармактарга билдирүүдө. 15-февралда ал 208 километрди басып өттү.
Муратбек Султанбеков
Султанбеков тенденциядан артта калбаганга аракет кылып, социалдык тармактарда түрдүү видеолорду жаратат. Бирок, каражаттын аздыгынан аларды өзү жаратат. Анын кандай болорун карап көрөлү.
Болотбек Бактыбеков
Талапкерге өзгөчөлөнүү кыйын болгондо, баары колдонулат, жада калса баш тамгалар да курал боло алат. Бул талапкердин үгүт ишинин эсте каларлык элементи. Ал ысымындагы баш тамгалар менен шайкеш келген "Биздин Бакыт Биримдикте" деген ураанды алып чыккан.
Аскар Алмаз уулу
Башка талапкерлер имараттарга баннерлерди илип, башкалары каражаттын тартыштыгынан социалдык тармактарда үгүт иштерин жүргүзүп жатса, Аскар Алмаз уулу шайлоочулардын эсинде калуунун дагы бир кыска жолун тапты. Ал "Жүрөктө бир гана сүйүү бар – Мекенге болгон сүйүү" деген урааны менен таң калтырат. Шайлоочулар чындап эле анын жүрөгүндө бир эле сүйүүбү, жок дегенде ата-энесине орун жокпу деп таң калышкан?
Материал жаңыланып турат.
