Эльвира Сурабалдиева: Аялга уттуруп коюу оор болуп жатат
Алдын ала жыйынтыктар боюнча Эльвира Сурабалдиева Жогорку Кеңешке депутат болуп өттү. Ал 9 225 добуш алса, анын атаандаштары кыйла аз добуштарды чогултушкан.
Сурабалдиева Twitter'деги баракчасына ишенимдүү жеңиши боюнча пост жазган.
Истерика проигравших оппонентов понятна, тяжело проигрывать женщине. Особенно тем, кто в октябрьских событиях 2020 прятался дома, под теплыми диванами. Победитель должен быть великодушен, и не опускаться до перепалок с обиженными на судьбу и покупавшими голоса оппонентами.
— Эльвира Сурабалдиева (@ElviraSur) February 28, 2022
"Утулуп калгандардын чыр салганы түшүнүктүү эле, аялга уттуруп жиберүү оор да. Өзгөчө 2020-жылдын октябрь айында үйүндө жашынып алып, жылуу диванын кучактап жаткандарга. Жеңүүчү ар дайым айкөл болуп, деңгээлин тагдырына таарынып, добуштарды сатып алгандар менен кайым айтышууга чейин түшүрбөшү керек", деп жазган.
Эске салсак, кечээ, 27-февралда Жогорку Кеңешке Биринчи май жана Свердлов райондору боюнча кайра шайлоо өткөн. Кол менен эсептөөлөр боюнча Биринчи май районунда Эльвира Сурабалдиева, ал эми Свердлов районунда Абдурахманхаджи Муртазалиев жеңүүчү болуп чыкты.
