МКК биометрикалык ID-картаны эки миллионунчу алуучуга берди
2021-жылдын 5-февралында Калкты тейлөө борбору-2де эки миллионунчу алуучу болуп саналган Бектур Алибаевге идентификациялык картаны салтанаттуу тапшыруу өткөрүлдү. Бул тууралуу МККнын пресс-кызматы маалымдады.
Бектурга паспортту жана белектерди Мамлекеттик каттоо кызматынын төрагасынын орун басары Тилек Батырканов тапшырды.
Бектур КТБга жаш курагы жеткендиги боюнча документтерин тариздетүү үчүн кайрылган, 17-февралда ал 17 жашка толот. Ал белгилеп кеткендей, кызмат көрсөтүүлөр тез жана өз маалында көрсөтүлгөн. Бектур үчүн бул күн маанилүү, анткени бул анын алгачкы паспорту.
Белгилей кетсек, электрондук ID-карталарды киргизүү Кыргызстанда 2017-жылдын 1-майында башталган. Долбоор KOICA (Korea International Cooperation Agency) менен биргеликте ишке ашырылган. Корея тараптан электрондук улуттук күбөлүктүн программалык камсыздоосу иштелип чыгарылган, сервердик жабдуулар жана 1,9 млн бланк берилген.
