Эрнст Акрамов: Мен хирургияда 60 жылдан бери иштейм, эмгегим баркталса керек э?
Эрнст Акрамов бүт өмүрүн медицинага арнаганын айтып, хирургияда 60 жылдан ашык убакыттан бери эс алуусуз иштеп келгенин баса белгиледи.
"Мен 60 жылдан бери майрамдарсыз, эс алуу күндөрүсүз операцияда жүрөм. Мунун кандайдыр бир баркы болсо керек э? Дайыма жумуш, жумуш дагы жумуш. 20-30 бейтап болуп калат. Көбүнчө дем алыш күндөрдө да майрамдарда да иштеп калам. Анткени жумуш ушундай. Бейтаптар менен иштөө ар дайым алар менен бирге болушуң керек дегенди билдирет", - деди ал.
Профессор Акрамов кыргыз медицинасынын абалын өткөн кылымдагы абал менен салыштырат.
"Кыргызстандын медицинасы 50-60-жылдардагыдай деңгээлде",- дейт ал.
Эске салсак, 14-мартта Саламаттыкты сактоо министри Алымкадыр Бейшеналиев журналисттерге Чүй облустук ооруканасындагы Эрнст Акрамов атындагы институтту жапканын билдирген.
