Кыргызстанда бир адам 186 миң сом пенсия алат. Буга кантип жеткен?
Кыргызстанда айына 186 миң сом пенсия алган адам бар. Бул тууралуу бүгүн маалымат жыйынында Социалдык фонддун жетекчисинин орун басары Теңизбек Абжапаров билдирди.
Журналисттер Кыргызстанда эң көп пенсияны ким алаарын сурашты.
"Бизде дээрлик 186 миң сом алган бир адам бар, ал 46 жыл иштеп, ушул жылдары Соцфондго 18 миллион сом чегерген. Өмүр бою Соцфондго акча төлөгөн бул адамдардын укугун эмнеге тебелешибиз керек?" - дейт ал.
Журналист мындан башка дагы 40 жылдан ашык иштеген жарандар бар экенин, бирок алардын пенсиясы он эсе аз экенин, өзгөчө алардын Социалдык фондго чегерүүлөрү өлкөнүн экономикасынан көз каранды экенин белгиледи.
Абжапаров пенсия системасында теңсиздик бар, ошондуктан реформа жүргүзүү керек деген пикирге кошулуп, социалдык фонд азыр бул маселенин үстүндө иштеп жатканын белгиледи.
