Антисептик сайылгандан кийин реанимацияга түшүп калган келин өзүнө келди
Нарында антисептик сайылгандан кийин жандандыруу бөлүмүнө түшкөн келин баласын эмизип калды
Нарында облустук оорукананын төрөт бөлүмүнүн кызматкерлери 27 жаштагы келинге антисептик сайып, бейтап кайра жандандыруу бөлүмүнө түшкөн. Окуя мындан бир апта мурда катталган.
Нарын облустук биргелешкен ооруканасынын жетекчиси Чыңгыз Нарынбеков билдиргендей, учурда келин баласын эмизип калды.
"Бейтап жандандыруу бөлүмүндө 4 күн жатты. 28-мартта жандандыруу бөлүмүнүн жалпы палатасына которулду. Өз алдынча кыймылдап, тамактанып, кызын эмизип калды. Бейтапка тиешелүү болгон көзөмөл жүргүзүлүүдө", - дейт жетекчи.
Белгилей кетсек, адистердин келинге антисептик сайып алган окуясы боюнча экспертиза дайындалган. Корутундунун негизинде бул факты тиешелүү берене менен Кылмыштардын бирдиктүү реестрине каттоого алынат дешет Нарын ОИИБден.
Маалымат super.kg сайтынан алынды.
Башкы беттеги сүрөт иллюстративдүү.
