Күндүн видеосу: Алмазбек Атамбаевди сот залына алып келишти
Бүгүн, 4-апрелде Бишкектин Биринчи Май райондук сотунда 2020-жылдагы Октябрь окуясы боюнча соттук отурум уланууда. Мурдагы мамлекет башчы Алмазбек Атамбаев, Фарид Ниязов, Канат Сагымбаев, Темирлан Султанбеков, Жеңиш Молдокматов жана башка бир катар адамдарга Кылмыш-жаза кодексинин бир нече беренелери боюнча кылмыш иши козголгон.
Белгилей кетсек, бул иш боюнча Өмүрбек Бабановго кылмыш иши козголуп, бирок ага карата иш өзүнчө өндүрүшкө бөлүнгөн.
Курсан Асанов сот залында, ал Ички иштер министрлигинин имаратын басып алган деп айыпталууда.
Эске салсак, Алмазбек Атамбаев соттук отурумдарга катышуудан баш тарткан. Аны күч менен алып келишкен. 23-мартта Жаза аткаруу кызматынын кызматкерлери Алмазбек Атамбаевди күч менен сотко алып келишти, анда Атамбаев аба ырайына жараша кийинбегендиктен, ооруп калып чуу жараткан.
